A QUEN AXUDAS?

Somos un grupo afeccionado de teatro musical de entre 14 e 70 anos, que se forma na Escola Galega de Teatro Musical, un centro de formación artística privado, na cidade da Coruña.

Como actividade complementaria á nosa formación, producimos e representamos cada ano, unha obra de teatro musical que creamos orixinalmente ou que traducimos e importamos polo xeral dende Boradway ou o West End, para que os nosos veciños e veciñas teñan acceso ós grandes musicais internacionais na súa lingua.

En 2021, estreamos a primeira versión oficial en lingua galega do musical "Xesucristo Superstar" e en 2022 grazas á vosa axuda a primeira tradución do musical Spring Awakening. Este ano queremos facer o propio cunha obra nacional de contido histórico "España con honra, España sen rei",  que retrata o Madrid de 1870 e o papel que distintas personaxes galegas tomaron durante a suposta conspiración contra o xeneral Prim. 

POR QUE AXUDAS?

A produción de teatro musical implica un gasto moi elevado xa que reune a moitas persoas en escena cantando o que implica un alto custo en equipo técnico e vestiario. As cotas dos alumnos e alumnas pagan os gastos anuais de mantemento da escola e os salarios dos docentes, pero non acadan para montar este tipo de obras. Ademais coa túa axuda poderemos representar esta obra de balde ou a prezos accesibles ós coruñeses e coruñesas. 

COMO AXUDAR

Con pequenas aportacións económicas dende 1 euro, coas que pretendemos acadar o obxectivo final de 1700 euros. Con esta cantidade poderemos cubrir os gastos de equipo (70%) e propiedade intelectual (10%), o personal técnico (15%) e parte dos gastos de representación(5%).

BIZUM 

Asociamos ó noso teléfono a Bizum para facilitar a xestión dos vosos micro-mecenados, así que só tedes que enviar un BIZUM co concepto a ESPAÑA e o voso teléfono, para que poidamos xestionar os vosos premios, seguindo o seguinte exemplo:  ESPAÑA 069798367.